ઘટના છે વીસમી સદીના સાઈઠના દાયકાની. સ્થળ છે આદર્શ વિદ્યાલયનું એ સમયનું ઈતર પ્રવૃત્િત કરવા માટેનું પટાંગણ, સુખ્યાત મરાઠી નાટયકાર આચાર્ય અત્રેનું બહુચર્ચિત નાટક ''દુનિયા શું કહેશે?'' એક ક્રાંતિકારી એટલે એક સ્ત્રી પોતાના વૈચારિક વ્યકિતત્વને કારણે પુત્રપ્રેમને વશ થઈ. પુત્રના મરણના તીવ્રત્તમ આઘાતને કારણે રંગમંચ પર ડૂસકાં ખાતાં ખાતાં ઢળી પડે છે. આ પાત્ર જુવાન નલિનીબહેન દેવળેકરે પાત્રમાં પૂરેપૂરાં અવગત થઈ એટલી તો સચોટતાથી ભજવેલું કે વિશાળ પ્રેક્ષક વર્ગ અને તેમની આસપાસ કામ કરતા બધા પાત્રો દિગ્મૂઢ બની ગયેલાં. રશિયન નાટયકાર જેને સાક્ષાત્કાર કહે છે. એવા કોઈક સાક્ષાત્કારની પળ નલિનીબહેન સર્જી શકયાં તેટલે અંશે તેઓ સંવેદનપટુ સર્જક કલાકાર. |
