આ કવિના જીવનની કરૂણ કેફિયતનું આ ગીત જયારે એમના મુખેથી ગવાતું ત્યારે ગાનાર, સાંભળનાર, સૌ શૂન્યમનસ્ક બની જતાં. વીસનગરને પોતાનું સ્વજન ગણી, વીસનગરની ધૂળને માથે લઈ ગાનાર આ કવિનું જીવન બે લગ્ન પછી પણ કુંવારા જેવું નિ:સંતાન નાગર કવિના આંસુનો એક ખૂણો છે. રગેરગમાં કેવી બેફિકરાઈ એની આંખોમાં ફિકરની ફાકી કરી જીવનાર નિજાનંદી પ્રાથમિક શિક્ષક જીવનમાં ઘણા ઉધામા કર્યા. સંગીતકાર, નટ, નાટયકાર, દિગ્દર્શક, ક્રાંતીવીર, હાસ્યલેખક, ક્રિકેટના ખેલાડી, કેરમના પણ ખેલાડી, જયાતિષ વિદ્યાના પણ સારા જાણકાર આ મસ્ત ફકીરનો જન્મ સને ૧૯૦૯ના જુલાઈ માસની ૩૧મી તારીખે થયેલો. તેમના પ્રથમ પત્નીનું નામ સુભદ્રાબેન. તેમના ભાઈનું નામ શિવપ્રસાદ. |
