વિસનગર - શહેરના નગરરત્નો
 
 
   
1  2   
રાજરત્ન શેઠશ્રી મહાસુખભાઈ ચુનીલાલ  
     
    જ્ઞાતિએ વીસા પોરવાડ શ્વેતાંબર મૂર્તિપૂજક જૈન. મૂળ વતન પાટણ. કર્મક્ષેત્ર વીસનગર. તેમનો જન્મ વીસનગરમાં વિ.સ.૧૯૩૩ના જેઠ સુદ ૯ ના દિવસે થયો હતો. તેમના પિતાનું નામ ચુનીલાલ દલછાદાસ અને માતાનું નામ બાઈ કીલી હતું. તેમનું પ્રથમ લગ્ન સંવત ૧૯૪૮માં બાઈ લક્ષ્‍મી સાથે થયું હતું અને તે દેવલોક પામતાં બીજી વારનું લગ્ન બાઈ શાન્તા સાથે સંવત ૧૯પ૭માં થયું હતું.
     
    તેમણે મેટ્રિકયુલેશન અને સ્કૂલ ફાઈનલની પરીક્ષાઓ સંવત ૧૯પ૪માં પાસ કરી હતી. ત્યારબાદ તેઓ સામાજિક કાર્યોમાં અને પોતાની શરાફી પેઢીના વહીવટમાં રોકાયા. વડોદરા રાજયની રાજકીય અને સામાજિક પ્રવૃત્‍િતઓમાં તેઓ રસપૂર્વક તેમજ આગળ પડતો ભાગ લેતા. ગુજરાતમાં અને ખાસ કરીને વીસનગરમાં કવિ નર્મદ પછી તેઓ પ્રખર સમાજ સુધારક હતા. જૈનોમાં અપાતી અઘટિત દીક્ષા વિરુધ્ધ પોકાર કરનાર તેઓ પ્રથમ હતા. સાત વરસથી અયોગ્ય દીક્ષા અટકાવવા, પ્રજામત મેળવવા વર્તમાનપત્રોમાં તેઓ લખતા અને આ પ્રશ્નની ચર્ચા કરતી ''અમૃતસરિતા'' નામની નવલકથા બે ભાગમાં તેમણે લખીને છપાવી છે.
 
     
    શેઠ મહાસુખભાઈએ કમનસીબ કુમારિકા (૧૯૩૩) નામે નવલકા પછી એ જ નવલકથાનું નાટયરૂપાંતર પણ પ્રગટ કર્યું છે. તે ત્રિઅંકી નાટક છે. સામાજિક દૂષણો સામે લાલબત્તી ધરી સુધારાવાદી વલણ અપનાવનાર વીસનગરના રાજારામમોહનરાય હતા. તેઓ સારા કવિ પણ હતા. એમણે પોતાના સમયને અનુકૂળ સમાજમાં મૂલ્યનિષ્ઠાની સ્થાપનાને કવિતાનો વિષય બનાવ્યો છે.
     
   સૂફી સંત અનવરમિયાં કાજી સાહેબની બધી જ રચનાઓની સાથે એમના જીવનકવનને વણી લેતું એમના મોટાભાઈ શેઠ હઠીસીંગે તૈયાર કરેલ ગ્રંથ ''અનવર કાવ્યો'' છપાવી પ્રસિધ્ધ કરી આ નગરના એક મોટા સંત કવિને ગ્રંથસ્થ કરવાનું ઉપકારક કામ કર્યું છે.
     
   સ્ટેશનથી માંડી આ શહેરનાં અનેક સ્થાનો પર એમની દાનગંગાનો પ્રવાહ વહયો છે. શ્રી શાંતાબાઈ મહાસુખભાઈ સાર્વજનિક મહિલા પુસ્તકાલય (૧૯૪૧), હરિજન બાળકો માટે લોન લાયબ્રેરી (૧૯૪૦) જૈન વિદ્યાર્થીઓને અભ્યાસ દરમિયાન રહેવા માટે થોડી રૂમો બનાવી છે. ગંજીમાં આજે અડીખમ ઉભેલું રાજરત્ન મહાસુખભાઈ વ્યાયામ મંદિર (૧૯૪૦), શ્રી શાંતાબાઈ મહાસુખભાઈ વિશ્રાંતિગૃહ (૧૯૪૧), શ્રીમતી શાંતાબાઈ મહાસુખભાઈ પેસેન્જર રોડ (૧૯૩૦), રાજરત્ન મહાસુખભાઈ ટાઉન હોલ (૧૯૩૯), રાજરત્ન મહાસુખભાઈ સાર્વજનિક સ્મશાનગૃહ (૧૯૩૭) વગેરે સર્જનો તેમના પરિવારનાં છે. પ્રત્યેક વીસનગરવાસીઓએ એમનું ''વીસનગર'' પુસ્તક જોવા જેવું છે, વાંચવા જેવું છે. આ શહેરના ડોસાભાઈ બાગમાં આજે તેઓ પ્રતિમા બનીને ઉભા છે. લોકોપકારક, પ્રામાણિક કાર્યકર્તા, સુધારક, સામાજિક માર્ગદ્રષ્ટા અને અર્વાચીન વીસનગરના શિલ્‍તજસપી સર્જકનું સંવત ર૦૦૦ ના પોષ વદ ૧ર, શનિવારે દેહાવસાન થયું. પરંતુ અક્ષારદેહે અને વીસનગરના લોકહિતનાં કરેલાં વિવિધ મબલખ કામોને લીધે તેઓ સદાય આપણી સમક્ષ છે.
     
     
     
     
     
1  2
   
     
 
 
 
|
|
|
|
|
 
 
Powered By